27 Facts About "Dark Web" Horror Novel

27 Facts about “Dark Web” Horror Novel:

1. Ang original title talaga ng nobelang ito ay “Hidden Web”. Pero nang matapos niya ang kabuuan ng novel, ginawa na lamang niyang “Dark Web” ang pamagat.

2. Kung napapansin ninyo, ang pangalan at apelyido ng tatlong bida ay parehong nagsisimula sa letter “H” at pareho ring nagsisimula sa letter “W”.

- (H)ara (W)ayne
- (H)arvey (W)alker
- (H)arold (W)onder

Dahil tulad ng nasa trivia #1, ang original title talaga nito ay “Hidden Web” at doon ibinase ni Daryl ang magiging first letter ng pangalan at apelyido ng mga bida. Pero nang palitan niya ang pamagat ng nasabing nobela, tinamad na siyang palitan ang pangalan ng mga characters.

3. Ito ang kauna-unahang horror novel ni Daryl na tungkol sa internet ang tema.

4. Noong January 2016 pa talaga niya naisip magsulat ng horror novel na tungkol sa internet ang tema. Pero noong June 2016 lamang siya nakabuo ng plot dahil maraming internet-theme na idea ang pumasok sa isip niya at sa sobrang dami ay hindi na niya alam kung ano ang dapat na simulan at piliin.

5. Dahil hindi niya natuloy ang pagsulat nito noong January 2016, naisipan na lamang niyang magpa-contest sa UHS group ng tungkol sa haunted website, social media, at internet ang tema. Nagbabalak kasi siya na pagkatapos ng contest na iyon, doon niya sisimulan ang istorya ng “Dark Web”. Subalit nang matapos ang nasabing contest, hindi na naman niya natuloy ang pagsulat dito dahil nang mabasa niya ang mga entry, merong ilan sa mga iyon ang may pagkakahawig sa iilang idea na naisip niya para sa plot ng Dark Web. Kung kaya inabot siya ng ilang buwan bago nakapagdesisyon kung itutuloy pa ba niya ang Dark Web o gagawa na lamang ng ibang plot.

6. Noong January 2016, ang kauna-unahang plot na pumasok sa isip ni Daryl ay iyong episode 1 sa nobelang ito, iyon ay ang “Death File” na episode ni Hara. Iyon din ang pinaka-unang naging pamagat ng nobelang ito bago pa niya maisip ang “Hidden Web” at “Dark Web”. Pero hindi niya naumpisahan ang Death File dahil meron na naman siyang naisip na bagong plot at iyon ang Haunted Online Games na episode ni Harvey. Nang subukan niyang i-focus ang sarili sa plot ng Haunted Online Games, bigla na namang may pumasok na panibagong idea sa isip niya at iyon mismo ang “Dead Chat” na episode naman ni Harold. Hanggang sa hindi na niya natuloy ang pagsulat sa novel na ito noong January dahil nawalan siya ng concentration sa dami ng mga plot na pumasok sa isip niya. At noong June 2016, doon pa lang niya naisipang pagsamahin sa iisang nobela ang tatlong plot na iyon na tumatak sa isip niya. Doon pa lamang tuluyang nabuo ang plot ng Dark Web.

7. Katunayan, hindi lang tatlong layer ang meron sa Dark Web. Sa totoo ay lima ang layer nito pero naisipan ni Daryl na hindi na isali ang dalawang layer para hindi na gaanong humaba masyado ang nobela. Nagbabalak siyang gawing ‘sequel’ ang missing layer ng Dark Web pero wala pa itong kumpirmasyon, at sinabi na rin niya na hihinto na siya sa pagsusulat pagkatapos ng Dark Web.

8. Ang nobelang ito ay isinulat niya during his meltdown noong June 2016.

9. Ang original color ng mga letters sa cover photo ng nobelang ito ay color green. Subalit nang matapos na ni Daryl ang kabuuan ng nobela, naisipan niyang palitan ang cover photo at tinanggal niya ang color green sa mga letters ng cover photo. Ginawa niya iyong black and white para mag-match sa tema ng nasabing nobela. Ang original black and green na cover photo nito ay makikita sa blogsite ng UHS Lost Files.

10. Sinimulan niyang isulat ito noong June 17 at natapos niya ito noong July 6. Sa kabuuan, natapos niya ang novel na ito sa loob ng 20 days. Ito ang pangalawang nobela na pinakamabilis niyang natapos. Ang una ay ang “The Haunted” noong 2015.

11. Ito ang first horror novel ni Daryl na unang ini-release sa UHS group, sapagkat ang mga horror novel niya noong nagdaang mga taon na “Mateo Leoron Teodoro” at “The Haunted” ay una talagang ini-release sa PHS Page. Iyon ang mga panahong wala pa ang UHS group. Mula kasi nang mabuo ang UHS group, puro mga short stories at short novels lang ang naisulat ni Daryl. Kaya ngayong taon, first time niyang magkakaroon ng full length novel kung saan sa UHS mismo naka-kontrata.

12. Apat talaga ang version ng cover photo ng Dark Web. Ang dalawa roon ay ang version na ginawa ng Jackson Family. At ang natitirang dalawang version ay ang mismong version na ginawa ni Daryl, iyon mismo ‘yong black and green and black and white na color ng cover.

13. Ito ang first horror novel ni Daryl na merong total of 11 teasers and trailers.

14. Nagpagawa si Daryl sa Jackson Family ng dalawang cover photo para sa Dark Web, at ang isa roon ay napili niya para sana maging official cover photo ng Dark Web at maging official book cover din sa Wattpad dahil hindi siya satisfied sa cover photo na ginawa niya mula sa sarili niyang kamay. Pero hindi iyon natuloy dahil nga sa sobrang dami ng idea na pumasok sa isip niya noon, hindi niya agad natuloy ang kuwento ng Dark Web. At nang maituloy na niya ito noong June 2016, naisipan niyang gawin na lamang official cover photo ng Dark Web iyong cover na ginawa niya. Ang cover naman na ginawa ng Jackson Family ay kanyang ginamit bilang promotional poster noong mag-announce siya.

15. Ito ang pangalawang horror novel ni Daryl na natapos agad ang airing. Ang una ay ang “The Haunted” noong 2015 na nagtagal lamang ng 11 days. Nagsimula ang Dark Web sa UHS noong July 25 at natapos ito noong August 12. Sa kabuuan, 12 days lamang ang itinagal ng Dark Web. (Hindi kasama iyong mga araw na hindi siya nag-update)

16. May mga readers na nagtaka dahil biglang naging “Aaron” ang pangalan ni Junjun sa kuwento noong malapit nang matapos ang Dark Web. At sa chapter 10 naman, aksidenteng nailagay niya sa lugar ng pagkamatay ng nanay ni Hara ay sa restaurant, sa halip na sa grocery store sa Saudi Arabia. Ang pagkakamaling iyon ay hindi nagkataon lamang. Meron talagang ‘dahilan’ kung bakit iyon ang nailagay ni Daryl, pero hindi na niya sinabi ang totoong dahilan.

17. May mga readers na nagreklamo noon na mula nang mabasa raw nila ang ilang mga chapters ng Dark Web ay hindi raw sila nakatulog hanggang madaling araw at bigla na lang daw silang namamalikmata sa paligid. Hindi na nagtaka si Daryl sa naging reaksyon ng mga readers na iyon. Dahil kahit siya, habang sinusulat niya ito noon ay nakaramdam din siya ng kaunting kilabot lalo na’t tuwing gabi niya sinusulat ang Dark Web noong nakaraang buwan. Minsan ay inaabot siya ng ala-una hanggang alas-dos ng hatinggabi para matapos ang isang kabanata.

18. Katunayan, ang isa sana sa mga twist ng Dark Web ay malalaman nina Hara, Harvey, at Harold na magkapatid pala silang tatlo at namatay ang tatay nila dahil sa Dark Web kaya sila nagkahiwa-hiwalay noong bata sila. Pero sa isang dahilan, hindi na niya isinali ang twist na iyon. Sa halip, iniba niya ang background ng mga bida at ang ginawa niyang ending ng kuwento ay pare-parehong hindi nakaligtas ang tatlong bida sa Dark Web.

19. Sa katunayan din, ang isa pang twist ng Dark Web ay kung saan nakaligtas si Hara sa nasusunog na headquarters ng mga anonymous. Paglabas niya, nagtaka siya kung bakit maraming tao sa labas. Nilapitan niya sina Harvey at Harold. Nagtataka siya kung bakit umiiyak ang dalawa. Nang tingnan niya ang iniiyakan ng mga ito, nagulat siya dahil nakita niya ang sarili niya na wala nang buhay at isinasakay na sa emergency. Doon niya nalaman na namatay na pala siya sa sunog sa loob at kaluluwa na lamang niya ang nakalabas sa headquarters na iyon. Pero sa isang dahilan, bigla na lang nawala sa isip ni Daryl ang twist na iyon kung kaya iba ang twist na nailagay niya sa ending. At noong maalala niya ang naunang twist na naisip niya, hindi na lamang niya inilagay dahil tinamad na siyang mag-edit at palitan ang ending kaya tuluyan na niyang ibinaon sa limot ang naunang mga twist na naisip niya para sa Dark Web.

20. Ang pangalang “Hara” sa episode 1 ay base sa nickname ng kaibigan niyang si Ara Marie Palmaria Bayhon, isang member ng UHS. Subalit masyadong mahaba ang pangalang “Ara Marie” kaya naisipan niyang gamitin na lamang ang nickname nito na “Hara”.

21. Ang overall plot ng nobelang Dark Web ay binubuo ng tatlong layer na naglalaman ng isang haunted website na may dalang kamalasan at kamatayan sa sinumang taong mag-browse doon. At kapag sinubukan nilang takasan ang kanilang kamatayan, pupuntahan sila ng mga anonymous na nagpapatakbo sa Dark Web upang patayin ang lahat ng mga bumisita sa nasabing website para panatilihing private ang Dark Web.

22. Katunayan, sa August 10 pa dapat ang airing ng Dark Web sa UHS. Pero noong magpost siya ng teaser nito noong July 13, umani ito ng maraming feedback at meron pang ilang reader na nagalit dahil ayaw daw nila maghintay ng matagal at gusto na nilang mabasa agad ang kuwento kaya napilitan siya na i-push ang Dark Web sa July 25 para hindi gaanong matagalan ang mga readers sa paghihintay.

23. Sa katunayan din, 30 dapat ang countdown teaser ng nobelang ito. Pero ginawa na lamang niyang 10 countdown teaser para hindi gaanong ma-spoil ang nilalaman ng kuwento at para hindi gaanong matagalan ang mga readers sa kahihintay.

24. Sa lahat ng mga bagong story sa UHS noong buwan ng July at August, ang Dark Web lamang ang kaisa-isang kuwento na hindi nilagay sa comment box ang continuation ng story. Hiwa-hiwalay ang bawat update ni Daryl dahil hindi raw siya komportable magdugtong ng story sa comment box.

25. Bukod sa 10 countdown teasers at 1 official trailer ng Dark Web, meron ding ginawa si Daryl na isang video trailer para dito. Pero for some reason, hindi na niya nai-post ang video trailer dahil nagmadali siyang mai-post agad ito.

26. Ang chapter 7 ng Dark Web ang pinakakinatakutan ng mga readers base sa mga comment at reaction nila. At ang chapter 6 naman ang pinakatinawanan. Pero ang episode ni Harold na “Dead Chat” ang pinakapaborito ng mga readers base rin sa comment at reaction nila.

SOURCE: UHS Lost Files
uhslostfiles666.blogspot.com


2013: Santo Demonyo (Wattpad)
2014: Mateo Leoron Teodoro (PHS Page)
2015: The Haunted (PHS Page)
2016: Dark Web (UHS Group)

Episode 13 (Original Cover Photo)

Alam nyo ba? Ito ang original cover photo ng horror novel ni Daryl Morales na pinamagatang "Episode 13" subalit hindi siya naging satisfied sa kinalabasan ng cover kaya nagpagawa na lamang siya sa Jackson Family.

The Lost Scenes on "Episode 13"

EPISODE 13 (The Lost Scenes) 

Ang “Episode 13” ang pinakabagong horror novel ni Daryl Morales sa UHS group na nakatakdang i-release sa September 2016. Ang kuwentong ito ay pinagsamang dark and bloody na isa sa mga pinakanakakatakot na nobelang nagawa ni Daryl.

Subalit may dapat kayong malaman tungkol sa nobelang ito. Alam n’yo ba? Ang nobelang ito ay may halong sex scenes noong una niyang isinulat ito. Na-inspired kasi siya sa mga Hollywood horror movies na may halong sex scenes kagaya ng “Wrong Turn” at iba pa. Kaya naman noong April, naisipan ni Daryl na gumawa ng isang horror story na may halong sex scenes katulad ng mga nasa Hollywood horror films.

                                                          

Subalit nang matapos niya ito at nakatakda na sanang i-release sa UHS group, biglang nagbago ang isip niya kaya tinanggal niya ang lahat ng sex scenes sa nobelang ito. Nag-alala siya na baka hindi iyon magustuhan ng mga readers niya lalo na ng mga batang mambabasa.

Kaya naman naririto sa UHS Lost Files ang lahat ng mga sex scenes sa horror novel na “Episode 13”. Handa ka bang basahin? Heto na!!!

EPISODE 13: THE LOST SCENES

(Paalala: Nakamarka ang mga sex scenes sa pamamagitan ng italicized text)

The Lost Scene 1 (Chapter 3)

“Kinakabahan ako, Steven. Mayaman din si David. News anchor pa. Maaari siyang makapunta kahit saang bansa. Maaari niya pa rin tayong matunton ‘pag nagkataon. Saka hindi ko siya basta-basta puwedeng hiwalayan lalo na’t may anak kami. B-baka madamay pa ang anak namin kung sakaling magkagulo.”

“Magtiwala ka lang sa ‘kin. Ako’ng bahala…” makahulugang wika ni Steven at gumuhit ang maanghang na ngiti sa kanyang mga labi.

Pumatong si Steven kay Lucille. Tinanggal nila ang kumot sa kanilang katawan. Nagsimulang halikan ni Steven ang babae. Gumanti naman ng halik ang babae. Sinabayan niya iyon ng haplos sa ari ng lalaki.

Nang tumayo na ang alaga ni Steven, itinapat niya iyon sa bulubunduking dibdib ng babae saka niya iyon hinawakan ng taas-baba hanggang sa maglabas iyon ng katas.

Hinawakan ni Lucille ang katas at dinilaan.

Tumayo si Lucille at idinikit ang malalaki niyang dibdib sa mukha ni Steven. Dinilaan naman iyon ng lalaki.

Habang tumatagal ay lalong umiinit ang sensasyon na kanilang naramdaman.

Samantala, habang pinanonood ni David ang airing ng programa niya ay hindi siya mapakali. Hindi niya alam kung tatayo ba siya, uupo, o hihiga. Paiba-iba siya ng puwesto. Para bang gusto niyang makita na ang asawa niya. Bigla na lamang siyang kinutuban ngunit hindi niya mawari kung ano ang nais iparating nito.

The Lost Scene 2 (Chapter 2)

“Parang ayoko muna matulog, David.” Maingat na bumangon si Lucille sa kama upang hindi magising ang bata. Hinubad niya ang damit at bra pagkatapos ay tumitig nang makahulugan kay David.

Iniwasan ng tingin ni David ang nang-aakit na suso ni Lucille.

“Ano ka ba, Lucille! Isuot mo nga ‘yang damit mo! Baka magising pa ang bata!” reklamo ni David habang nakasimangot.

Hindi tumugon si Lucille. Dahan-dahan niyang nilapitan si David saka hinalik-halikan ang leeg at hinaplos-haplos ang pisngi nito. Inawat siya ni David sa tahimik na paraan.

“Please lang, Lucille. Itigil mo na ‘yan!” pabulong na wika ni David.

Nang gumalaw ang kanilang natutulog na anak, nataranta si Lucille. Agad niyang isinuot ang bra at damit niya. Tumagilid ng pagkakahiga ang bata paharap sa kanila. Mabuti na lamang at hindi nito nakita si Lucille kaninang nakahubad ito.

The Lost Scene 3 (Chapter 9)

Pagkatapos ng dalawa mamili sa grocery store ay unang lumabas si Steven at tiningnan kung naroroon pa ang matanda. Nang makitang wala nang matandang babae na nakamasid sa kanila ay sinenyasan niya si Lucille na lumabas na.

Nagmadali silang lumakad hanggang sa maka-uwi sa isang apartment na tinutuluyan.

Hinubad ni Lucille ang lahat ng disguise niya at napahinga nang malalim.

“Akala ko talaga katapusan ko na kanina,” sabi pa niya.

“ANO ba gusto mo gawin ko para makalimutan mo ang nangyari kanina?” wika ni Steven kay Lucille. Nakahiga na sila sa kama.

Mayamaya, pumatong si Lucille kay Steven. Alam na ng lalaki kung ano ang ibig sabihin niyon kaya ginawa na niya.

Mayamaya pa, makikitang umuuga na ang kama dahil sa tindi ng pagtatalik ng dalawa.

Nang labasan na si Steven, agad na umalis sa pagkakapatong si Lucille at dinilaan ang katas na natira sa ari ng lalaki.

Gumapang si Lucille papunta sa dibdib ng lalaki saka niya ito muling hinalikan.

“Fuck you, Steven! I really love you!” wika pa ni Lucille sa sobrang kaligayahan. Nakalimutan na nga niya ang nangyari kanina.

The Lost Scene 4 (Chapter 10)

Pagbukas ng donya sa pinto, laking gulat niya sa nakita: Sina Steven at Lucille, parehong nakahubad. Magkadikit ang maselang bahagi ng katawan. Nagtatalik habang nakahiga sa sofa!

Dahil sa nakita, inatake ang donya.

Nataranta sina Lucille at Steven. Bumangon sila at nagsoot agad ng damit.

“Nanay ito ni David! A-anong gagawin natin?” Kinakabahan si Lucille.

“Tulungan moko bilis!” utos ni Steven. Binuhat nila ang matanda at dinala sa bodega.

The Lost Scene 5 (Chapter 5)

Sinubukang tawagan ni David si Lucille. Ilang beses niya itong tinawagan pero hindi sinasagot ng babae. Ang hindi niya alam, busy si Lucille sa pakikipaglampungan kay Steven sa kama. Ang cellphone ng babae ay nasa gilid lang ng kama kaya hindi nito napapansin ang tawag.

Minsan pang tinawagan ni David si Lucille. At sa di inaasahang pagkakataon, dahil sa likot ni Lucille at Steven sa kama, nasipa ng babae ang cellphone at aksidenteng napindot ang answer button!

Nangunot ang noo ni David nang makarinig ng mga ungol sa cellphone. Pamilyar sa kanya ang ungol na iyon. Hindi siya maaaring magkamali. Iyon nga ang ungol ni Lucille! May isa pang ungol siyang narinig. Ungol iyon ng lalaki. Tila nagtatalik ang dalawa!

Nabagsak ni David ang cellphone. Doon na naging maliwanag ang lahat sa kanya. May kinakasama ngang iba ang asawa niya.

The Lost Scene 6 (Chapter 4)

Huminto ang kotse ni Steven sa isang madilim na parking lot. Hindi na makapaghintay ang dalawa. Doon na sila nagtalik sa loob ng sasakyan. Hinubad ni Lucille ang kanyang damit. Siya na rin ang naghubad sa damit at sinturon ng lalaki. Agad niyang sinubo ang tumitigas na ari ng lalaki. Nang labasan na ang lalaki, ito naman ang sumubo sa suso ni Lucille.

Walang nakakakita sa ‘lagim’ na ginagawa ng dalawa sa madilim na parking lot.

Nag-selfie pa sina Lucille kung saan magkadikit ang labi nila ni Steven. At iyon ang ginawa niyang wallpaper ng cellphone niya.

SOURCE: UHS LOST FILES

Sino'ng mag-aakala na ang isang dark and bloody horror novel ay may x-rated scenes pala noong una?

Tikbalang (Banned Story on UHS Group)

TIKBALANG

Alam nyo ba? May isang story noon sa UHS na pinamagatang "Tikbalang" na isinulat ng isa sa mga dating member ng nasabing group. Nasa 30 likes at 60 comments na yata ang kuwentong iyon nang bigla iyong mabura dahil may mga readers na nagreklamo sa maselang tema na tinataglay ng kuwento.

Ang kuwentong iyon ay tungkol sa isang tikbalang na nakikipagtalik sa isang babae. May mga bulgar scenes at bulgar words pa na naroroon kung kaya agad iyong binura ng mga admins.

Pero bago iyon mabura ng isa sa mga admin, naisalba ang original copy ng kuwentong iyon at naka-post iyon sa secret group na UHS Blocked Area.

Duterte Story (Banned on UHS Group) / UHS Blocked Area (Area E)

ALAM MO BA?

Ang Area E ng UHS na tinatawag na "Blocked Area" ay binubuo ng isang secret facebook group at website kung saan nakatambak ang lahat ng mga banned files, documents, stories, at iba pang mga bagay na may kinalaman sa UHS. Meron pang mga bagay na makikita roon na talagang nakakatakot at hindi kakayanin ng sinuman. Kaya mahigpit na ipinagbabawal ang pagpasok sa secret group na iyon. Mga piling members lamang ang naroroon at sila lang din ang nakaka-alam kung ano ang makikita rito.

Makikita rin dito ang screen shot ng lahat ng mga fb users o dating member ng UHS na nagtaksil noon o gumawa ng hindi karapat-dapat sa group. Nandito rin ang lahat ng mga investigation files ng UHS tungkol sa mga dummy accounts na nanggugulo sa nasabing group pati sa ibang horror group.

Bukod doon, dito rin makikita ang isang banned story sa UHS na pinamagatang "Duterte: Change is Coming" na inilabas sa UHS noong Marso 2016 na isinulat ng isa sa mga members. Ang genre ng kuwentong iyon ay Horror ngunit hindi iyon nagustuhan ng mga member sa UHS dahil naglalaman iyon ng mga eksenang hindi katanggap-tanggap. Kaya naman agad iyong binura ng mga admins noon sa nasabing group. Pero ang original copy ng kuwentong iyon ay naisalba pa at makikita lamang iyon sa UHS Blocked Area.

Sino Nga Ba Si Rose Capilla?

(Ang litratong ito ang gamit na profile picture ni Rose Capilla sa dummy account niya)

Si Rose Capilla ang isa sa mga pinaka misteryosong dummy account na nanggugulo sa lahat ng mga horror groups ngayon. Madalas ay pinag-aaway niya ang magkakabilang panig ng mga grupo, isa na roon ang CSHS at IMKM noon. At kapag naman nais niyang magnakaw ng mga kuwento, sa UHS siya kumukuha at ipinopost niya sa timeline niya.

Halos lahat ng mga horror group ay nabahala rito sapagkat marami ang nagsasabi na may koneksyon daw ang FB user na ito sa lahat ng mga horror group.

May isang member na nagsabi na may hinala na raw siya kung sino ang nasa likod ng dummy account na ito. Marahil ay may kakampi raw ito na 'admin' sa ibang group, o baka isa raw itong writer dati na nalaos kung kaya nanggugulo sa mga group, o baka naman matagal na itong nagmamasid sa mga group at ngayon lang naisipan manggulo.

May ibang member din na nakapansin na sa lahat ng mga group na ginugulo niya, ang ilan sa mga admin at member sa IMKM ang madalas niyang awayin, Kaya naman hinala ng iba na baka isa raw ito sa mga member dati sa IMKM na nagkaroon ng kaaway sa mismong group kung kaya gumawa ito ng dummy account para guluhin ang nasabing group.

Pero hindi pa rin kumpirmado kung totoo ba ang hinala na iyon sapagkat marami pa siyang mga group, members, at admins na ginugulo.

Pero may isang member naman na nagbahagi na may isa raw admin sa ibang group ang nagsabi sa kanya na kilala daw niya kung sino talaga si Rose Capilla, at sinabi nito na kilalang-kilala rin daw siya ng halos lahat ng mga member sa lahat ng group. Pero nauwi rin sa wala iyon sapagkat nangibabaw pa rin sa lahat ang palaisipan kung sino ba talaga ang nagtatago sa dummy account na ito.

Sa ngayon, naglaho ang account ni Rose Capilla at hindi na makita. Pero marami pa rin ang naniniwalang baka may iba pa siyang dummy account na gamit para magmasid sa mga group na nais niyang guluhin.

Kaya mag-ingat sa dummy account na ito. Kapag nakita ninyo siyang muli, i-report agad ang account niya upang hindi na makapanggulo pa.

ROSE CAPILLA, sino ka nga ba talaga? Tunay nga ba ang mga haka-hakang may naka-away ka raw sa ibang mga admin sa ibang group dati kung kaya gumawa ka ng dummy account para guluhin at pag-awayin sila? Kung sino ka man, karma na ang bahala sa iyo dahil sa dami ng mga members at admins na naperwisyo mo sa panggugulo at pangka-copypaste mo ng kuwento...

#RIPRoseCapilla
#QueenOfDummyAccount

The Mysterious Anonymous Account On UHS

Ang Illuminati ay isa sa mga pinaka pinag-usapang topic sa history ng UHS simula nang mabuo ito. Maraming mga members noon ang nagbahagi ng kanilang nalalaman tungkol dito. Marami rin ang na-curious dito.

Noong 2015, may isang anonymous member na napadpad sa UHS at nag-flood siya ng mga post tungkol sa illuminati. Sinabi niya sa post niya na Illuminati raw ang langit, Illuminati raw ang Algebra, Illuminati raw ang mga pagkain, mga magulang natin, at ang lahat ng mga bagay sa mundo.

Dahil sa mga post niyang iyon, maraming mga member ang nagalit at nagreklamo sa kanya. Marami rin ang na-curious kung sino ba ang nagtatago sa likod ng dummy account na iyon. Iyon din ang kauna-unahang beses na nagkaroon ng kaunting gulo sa UHS dahil sa mga post na iyon ng anonymous na iyon.

Sa kasalukuyan, akala ng marami ay wala na siya sa group. Pero kamakailan lang, umamin siya na 'siya' ang tunay na nagmamay-ari ng account na iyon at inamin din niya na siya ang nag-post ng lahat ng iyon noong nakaraang taon.

Hanggang ngayon ay member pa rin siya ng nasabing group at meron siyang isang isinulat na kuwento na ini-post niya last July 2016. Anonymous account pa rin ang gamit niya. At siya si...

ADRIAN ABAS BENEDICTO (The Mysterious Anonymous Account on UHS)

SOURCE: UHS LOST FILES

THE MYSTERIOUS THING (Short Horror Story by Daryl Morales)

Alam n'yo ba? Ang kuwentong ito ay isinulat noong October 2015 ni Daryl Morales ngunit hindi niya ito ini-release sa UHS group dahil hindi siya satisfied sa naging kinalabasan ng kuwento. Isa ang kuwentong ito sa mga 'lost story' na nagawa niya noon na nakatambak sa lost files ng UHS.

THE MYSTERIOUS THING

Written by Daryl Morales

Genre: Horror/Mystery

LABIS ang tuwa ni Alvin Navarro sa kanyang pagkapanalo bilang Mayor sa bayan ng Masantol sa Pampanga.

“Ngayon pa lang, naaamoy ko na ang kaunlaran sa ating bayan,” sabi pa niya habang nakaupo sa kanyang opisina kasama ang isang assistant niya. Mataas ang tingin ni Mayor Alvin sa kanyang sarili. Perfectionist ito. Lahat ng mga maling bagay na kanyang nakikita sa paligid ay pipilitin niyang gawing tama para maging maayos at maganda sa kanyang paningin.

Kahit pa yata pangit ay pagagandahin niya para lang maiwasang makakita ng pangit. Kumukulo kasi ang dugo niya kapag nakakakita ng pangit na mga lugar. At ang San Isidro ang naisipan niyang unang gawan ng proyekto.

USAP-USAPAN ngayon sa Barangay San Isidro, 1st Street ang ini-announce ni Mayor Alvin na pagagandahin at lilinisin daw niya ang Barangay na iyon. Ipabubunot niya ang mga damo at ipapuputol ang mga puno upang mapatayuan niya ng mga pabahay. Sa taon kasing ito, dumarami ang bilang ng mga pulubi o iskwater sa kanilang bayan at dahil sa dami ng mga puno at damo roon ay nagmimistulang gubat ang nasabing Barangay. Pangit iyon sa paningin ng perfectionist na Mayor kaya walang makakapigil sa kagustuhan niyang ipatanggal ang mga ‘pangit’ sa paningin niya.

Ipalilinis din niya ang baradong kanal at patatambakan ang daan upang pagdating ng tag-ulan ay hindi na tumaas pa ang baha sa kanilang bayan.

Maraming mga matatangkad at matatandang puno sa 1st Street. Kaunti lamang ang mga bahay doon dahil halos lahat ng makikita sa paligid ay puro mga matataas na mga damo at matatandang mga puno na sinasabing nagsimulang lumaki noon pang panahon ng mga kastila.

Tahimik naman ang mga puno doon. Hindi na nagdalawang isip pa si Mayor Alvin na ipaputol ang mga ito dahil wala naman siyang nababalitaan o naririnig na mga kuwento tungkol sa mga engkanto o mga nilalang na karaniwang pinaniniwalaang naninirahan sa mga puno, at isa pa, hindi siya naniniwala sa mga iyon. Hindi totoo na ang mga puno ay tinitirhan ng mga engkanto o mga diwata. Ito ay kuwento-kuwento lamang ng mga matatanda noon, iyon ang paniniwala niya. Kaya di nagtagal ay natuloy ang kanyang plano na ipaputol ang lahat ng mga puno at mga damo sa Barangay San Isidro, 1st Street.

Halos inabot sila ng mahigit dalawang buwan bago tuluyang naputol ang natitirang mga matatandang puno. Pati mga damo na nasa lupa ay nakalbo na rin.

Pero magmula nang maputol ang mga punong iyon ay nagsimula na ang kababalaghan sa Barangay San Isidro, 1st Street. Sa tuwing sasapit ang madaling araw ay nakakarinig sila ng mga yabag ng mga paa ng tila malalaking mga kabayo. Tila napakarami ng mga ito na parang naghahabulan o nag-uunahan sa pagtakbo. Naiistorbo tuloy ang tulog ng ilang mga residente pero wala silang lakas ng loob na dumungaw man lang sa bintana dahil sa tuwing maririnig nila ang yabag ng mga paa ng mga ito ay ginagapangan sila ng kakaibang takot kaya wala silang magawa kundi ang makiramdam na lamang at magdasal.

Araw-araw nangyayari iyon. Sa tuwing sasapit ang madaling araw ay nagsisimulang mag-unahan sa pagtakbo ang mga paa ng tila malalaking mga kabayo. Hindi nga nila alam kung kabayo nga ba talaga ang mga ito dahil wala namang kabayo sa kanilang maliit na bayan.

“Diyos ko po!” nasambit ng isang matandang babae na nagising bigla dahil sa malalakas na pagyabag ng mga paa ng mga misteryosong nilalang.

Parang lumilindol ang paligid sa lakas at sa dami ng yabag ng mga paa na nagtatakbuhan sa daan. Takot na takot ang matandang babae. Dumadagundong ang kabog ng kanyang puso habang naririnig ang kakaibang yabag ng mga paa sa labas.

Maging si Mayor Alvin ay nabahala na dahil dito. Nang mga oras ding iyon ay isa lang naman siya sa mga nagising mula sa mahimbing na pagkakatulog dahil sa tila mga dambuhalang mga nilalang na nagtatakbuhan at nagkakaguluhan sa labas. Napaisip tuloy siya kung ano iyon.

Naglakas loob siyang bumangon sa kama at binuksan ang bintana. Dumungaw siya sa salamin pero laking gulat niya dahil wala naman siyang nakikitang kahit ano na nagtatakbuhan sa labas. Wari’y napakatahimik ng daan sa kanyang paningin. Walang katao-tao. Wala ring mga aso at pusa na gumagala-gala sa paligid. Pero patuloy pa rin niyang naririnig ang yabag ng mga paa na sa tansa niya’y paa ng mga kabayong nagtatakbuhan.

Kinilabutan siya at agad na isinara ang mga bintana. Napabuntunghininga siya at naging palaisipan sa kanya kung saan nagmumula ang mga ingay na iyon.

Pagsapit ng umaga ay nagulat ang mga tao dahil paglabas nila sa kani-kanilang mga bahay ay bumungad sa kanila ang warak-warak na daan. Parang dinaanan ng isang malakas na lindol ang kanilang lugar dahil nagkawarak-warak ang mga semento, pati ang ilang mga pader.

“Ano ba itong nangyayari sa ating Barangay?!” nasambit ng bubuyog na si Aling Gara. Bubuyog ang bansag sa kanya ng mga tagaroon dahil sa kanyang maingay na bunganga at pagiging madaldal at tsismosa.

Maging si Mayor Alvin ay nagulat nang makita ang warak-warak na daan. Ang akala niya’y magiging maganda at maaliwalas sa kanyang mga mata ang Barangay San Isidro, 1st Street kapag ipinatanggal niya ang mga puno at mga damo, subalit mas lalo pa itong naging marumi at pangit sa kanyang paningin dahil sa kakaibang pinsalang ito.

Ang ilang mga tao doon ay lumipat na ng ibang bahay dahil hindi na makayanan ang kababalaghang nangyayari sa tuwing sasapit ang madaling araw. Nagsisimula ang mga ingay na iyon sa tuwing papatak ang alas singko ng madaling araw. Lima hanggang sampung minuto ang tagal ng kakaibang mga ingay na iyon. Animo’y malalaking mga kabayo na nagpa-fun run sa daan.

Pagsapit ng madaling araw ay muling narinig ng buong Barangay ang yabag ng mga paa ng kakaibang mga nilalang na nagtatakbuhan sa daan. Muli na naman silang naistorbo sa pagtulog, lalo na si Mayor Alvin. Hindi na ito nakatiis. Bumangon siya sa kama. Lalabas siya ng bahay para alamin kung saan talaga nanggagaling ang kakaibang ingay na iyon. Nagdala siya ng isang matibay na pamalo kung sakaling may makasalubong siyang nilalang sa labas.

Pagbukas niya sa pinto ng kanyang bahay ay wala siyang nakitang kahit anong mga tao o nilalang sa labas pero patuloy pa rin ang yabag ng mga paa ng di nakikitang mga elemento.

Labis na nakabibingi ang ingay ng mga ito kung kaya’t hindi na siya tumuloy na lumakad sa labas. Inihagis na lamang niya ang hawak na pamalo at nang mapunta ito sa daan ay bigla itong nagkanda wasak-wasak kasabay ng sementadong daan na tila natapakan ng mga paa ng di nakikitang mga dambuhalang nilalang.

Nanlaki ang kanyang mga mata at napaawang ang kanyang bibig. Bago pa man siya muling makapasok sa loob ay biglang may sumipa sa kanyang dibdib at tumilapon siya papasok sa loob ng kanyang bahay. Isang napakalakas na sipa iyon ng isang di nakikitang nilalang. Sa lakas ng pagkakasipa nito at sa lakas ng impact ng pagkakabagsak niya sa sahig ay nalagutan siya ng hininga. Basag ang ulo niya at nabali ang mga buto niya sa katawan. Mukhang napakalakas ng nilalang na sumipa sa kanya. Daig pa ni Mayor Alvin ang nahulog sa isang mataas na building dahil sa kanyang lasog lasog na katawan nang siya’y bumagsak sa sahig at dahil na rin sa lakas ng pagkakasipa sa kanya ng hindi nagpapakitang elemento na marahil ay kanyang natamaan sa hinagis niyang pamalo sa daan.

KINAUMAGAHAN ay natagpuan ang bangkay ni Mayor Alvin sa loob ng kanyang bahay sa salas. Bali-bali ang mga buto nito, bagok at duguan ang ulo. At sa dibdib nito ay may naiwang isang malaking bakas. Isang bakas ng tila paa ng isang dambuhalang kabayo.

Naging usap-usapan din sa mga residente ang pagkamatay na iyon ni Mayor Alvin Navarro. Naging palaisipan sa mga awtoridad ang misteryosong pagkamatay ni Mayor Alvin. Sa isang CCTV na nasa poste, na-record at napanood ng mga awtoridad na nagbukas ng pinto si Mayor Alvin sa kanyang bahay pero hindi ito lumabas. Inihagis lamang nito ang hawak na pamalo sa daan, at ilang sandali pa ay bigla na lamang itong tumilapon mag-isa papasok sa loob ng kanyang bahay. Naganap iyon kaninang madaling araw habang kasalukuyang naririnig ng buong Barangay ang yabag ng mga paa ng tila dambuhalang mga nilalang na hindi nakikita kahit sa CCTV.

“Hindi kaya masamang elemento ang pumatay kay Mayor Alvin?” anang isang babae na nakatambay sa isang tindahan.

“Siguro… Hmm… Hindi ko alam!” sagot naman ng may ari ng tindahan. Walang direktang makapagsabi kung sino o ano ang pumatay sa bago nilang Mayor.

Nagsimula ang lahat ng kababalaghang iyon magmula nang ipaputol ni Mayor Alvin ang matatanda at matatangkad na mga puno sa Barangay na iyon. Subalit sa kanyang pagkamatay ay hindi na narinig pang muli ang mga yabag ng mga paa ng tila dambuhalang mga elemento tuwing sasapit ang madaling araw. Marami ang nagtaka. Talagang marami. Pero ang mahalaga, tapos na ang kababalaghan. Wala ng mga ingay ang makakaistorbo ngayon sa mahimbing na tulog ng mga residente doon.

Kayo, alam n’yo ba kung anong klaseng nilalang ang pumatay kay Mayor Alvin Navarro?

***WAKAS***

12 MIDNIGHT (Short Horror Story by Daryl Morales)

Alam n'yo ba? Ang kuwentong ito ay isinulat noong October 2015 ni Daryl Morales ngunit hindi niya ito ini-release sa UHS group dahil hindi siya satisfied sa naging kinalabasan ng kuwento. Isa ang kuwentong ito sa mga 'lost story' na nagawa niya noon na nakatambak sa lost files ng UHS.

12 MIDNIGHT

Written by Daryl Morales

Genre: Horror/Suspense

HATINGGABI na subalit gising pa rin si Loren at nanonood pa ng DVD sa loob ng kanyang kuwarto habang nakahiga sa kama. Gabi-gabi niya iyon ginagawa para antukin at para makalimot sa mga problemang pinagdaanan niya nitong mga nakaraang linggo.

Napakalakas ng ulan ng mga oras na iyon na may kasama pang malalakas na kulog at kidlat, pero hindi iyon alintana kay Loren.

Sa kalagitnaan ng kanyang panonood ng The Grudge horror movie ay nakarinig siya ng malakas na pagkatok sa pintuan sa salas. Bahagyang nagulat siya roon.

Ini-pause niya pansamantala ang pinapanood at muling nakiramdam sa paligid. Muling kumatok sa pintuan ng bahay ang isang di kilalang panauhin. Bagamat malakas ang ulan sa labas ay dinig na dinig niya ang katok na iyon na parang gustong wasakin ang pintuan.

Tumingin siya sa wall clock. Pasadong alas-dose na ng hatinggabi. Nagtaka siya. Sino kaya ang bisita niya sa ganoong oras?

Bumangon siya sa kama at lumabas ng kuwarto. Tinungo niya ang pintuan sa salas at agad na binuksan. Pagkabukas ng pinto ay tumambad sa kanya ang dating nobyo na si Chino. Basang-basa ito sa ulan. Nakayuko ito pero nang pagbuksan niya ng pinto ay humarap at tumitig ito sa kanya.

Nangunot ang noo ng dalaga. “Chino? A-anong ginagawa mo rito?”

“M-maaari ba akong tumuloy sa iyo? Kahit kalahating oras lang. Masyado kasing malakas ang ulan kaya nang madaanan ko ang bahay mo ay naisipan kong sumilong muna,” mahinhing wika ng binata na animo’y wala silang pinag-awayan noong nakaraang linggo mula nang mag-breakup silang dalawa ng dalaga.

Medyo nanibago ang dalaga sa kilos at pananalita ng binata. Dati kasi ay halos ayaw na siya nitong kausapin o harapin man lang. Sinubukan niyang makipagkita rito para magkausap sila ng maayos pero palagi siya nitong tinataguan at hindi sinasagot ang mga texts niya.

“S-sige. Halika.” Pinapasok ni Loren ang binata sa loob ng kanyang bahay.

Habang naglalakad sila papunta sa kusina ay nagbalik sa isipan ni Loren ang pag-aaway nila ng binata noong nakaraang linggo bago ito magtampo sa kanya. Nang malaman kasi ni Loren na may nabuntis na ibang babae ang kasintahan niya ay nagalit siya rito at pinagsasampal niya ito.

Hindi na halos nakapagpaliwanag pa si Chino dahil sa kakabunganga ng dalaga. Ang akala ni Loren ay kapag pinagalitan niya ito ay hihiwalayan nito ang nabutis nitong babae. Pero si Chino pa mismo ang nagkaroon ng lakas ng loob na magalit at magtampo sa pananampal at pananabunot na ginawa sa kanya ng dalaga. Isinauli niya ang kuwintas at mamahaling relo na binili sa kanya noon ni Loren at sinabi nitong tinatapos na niya ang kanilang relasyon.

Mas mahal ni Chino ang pangalawang babae na nabuntis niya. Pagkasauli niya sa kuwintas at sa relo ay tinalikuran na siya ng binata at magmula noon ay hindi na sila nagkausap.

Nagalit si Loren. Kumulo ang dugo niya sa galit pero hindi siya agad sumuko. Sinubukan niyang i-text at tawagan si Chino para sana magkausap sila ng maayos dahil kahit pinagtaksilan siya nito ay parang hindi pa rin nawawala ang pagmamahal niya rito. Pero ni hindi siya nito nireplayan at palagi nitong pinapatay ang cellphone sa tuwing tumatawag siya kaya doon tuluyang naghari sa buong katauhan ni Loren ang labis na galit kaya kahit mahirap ay pinilit niyang kalimutan na lang din si Chino.

Nang mga sandaling iyon ay nakaupo na ang binata sa lamesa. Dumistansya si Loren sa pagkakaupo. Magkatapat sila ni Chino sa mesa. Pagkatapos nitong punasan ang basang katawan sa tuwalyang ipinahiram sa kanya ng dalaga ay isinampay niya ito sa isang bakanteng upuan at yumuko siyang muli.

Nakatitig si Loren sa kanya. Pinakalma niya ang sarili at hindi nagpatalo sa galit. Pagkakataon na niya iyon para makausap ng maayos si Chino tungkol sa napag-awayan nila noong nakaraang linggo.

“Chino, gaano na ba kayo katagal magkakilala nu’ng babaeng nabuntis mo? Alam na ba ‘to ng mga magulang niya at ng iyo?” tanong ni Loren sa binata subalit hindi man lang ito kumibo. Nanatili itong nakayuko na tila hindi alam kung ano ang isasagot.

Napabuntunghininga si Loren at muling nagsalita. “Chino, ang akala ko ba naman ay hindi na tayo magkikitang muli. Gusto lang sana kitang makausap ng maayos. Pumunta ka rito sa akin pero hindi ka man lang magsasalita?” sabi niya sa binata. Subalit wala pa rin itong tugon. Ni hindi man lang ito tumitingin sa kanya. Nanatili itong nakayuko na tila malalim ang iniisip.

Medyo nakakaramdam na ng inis si Loren. Kapag hindi pa siya pinansin ng binata ay baka masigawan na niya ito. Hindi niya maintindihan kung bakit pa ito nagpunta sa bahay niya kung hindi lang din naman ito magsasalita kahit kaunti man lang.

Magsasalita sana siyang muli nang biglang mag-ring ang cellphone niya na nakapatong sa mesa. Dinampot niya ito at tiningnan kung sino ang tumatawag. Ang kaibigan pala niyang si Jolly ang tumatawag kaya agad niya itong sinagot.

“Hello, Jolly? Hatinggabi na, ah. Bakit napatawag ka? May kailangan ka ba?” Pansamantalang bumitaw ang pagkakatitig niya kay Jolly.

“Loren, may masama akong balita sa iyo. Patay na pala si Chino kagabi. Nabaril daw siya ng mga hindi pa nakikilalang mga lalaki. kaninang umaga ko lang nabalitaan. Dead on arrival daw siya kagabi nang dalhin sa ospital. Sorry ngayon lang kasi ako nagkaroon ng lakas ng loob na ipaalam ito sa ‘yo. Alam ko kasing nag-away kayo at hindi na nagpapansinan kaya hindi ko ito agad nasabi.”

Nanlaki ang mga mata ni Loren sa narinig. Bigla siyang ginapangan ng kilabot sa buong katawan. Tumayo ang mga balahibo niya at namulta ang mukha. Hindi siya nakapagsalita at tila napako sa kinaroroonan.

“Hello, Jolly? Nariyan ka pa ba? Hello? Bakit hindi ka nagsasalita?” sabi ni Jolly sa kabilang linya. Pero hindi na nakapagsalita pa ang dalaga.

Nanginginig ito habang unti-unting humaharap sa nakaupong si Chino na katapat niya sa lamesa. Nang mapagmasdan niya ito ay nakayuko pa rin ito. Pero nang mapansin ng binata na nakatingin sa kanya ang dalaga ay unti-unti nitong itinaas ang kanyang ulo at tumitig sa kanya.

Sa wakas at nasilayan ni Loren ang tunay na anyo ni Chino. Namumutla ito na parang naubusan ng dugo sa buong katawan. Lumuluha ito ng dugo at nangitim ang mga labi.

Parang sasabog ang ulo ni Loren sa takot. Alam niyang hindi na si Chino ang kaharap niya. Isa na itong multo!

Habang tumatagal ay lalong sumasama ang mga titig ni Chino kay Loren na parang nais siyang tuklawin ng mga titig na iyon. Unti-unti itong ngumiti na parang demonyo. Ngumiti ito ng ngumiti hanggang sa literal na umabot hanggang sa tenga ang mga labi nito sa pagkakangiti. Lumaki ang bibig nito at lumitaw ang nangingitim at nabubulok nitong mga ngipin na nilalabasan ng maliliit na mga uod.

Hindi nakakilos si Loren sa sobrang takot. Nanginginig ang buong katawan niya. Hindi na niya kayang titigan ang nakakatakot na pagmumukha ni Chino. Pumikit siya at tinakpan ang mga mata sa kanyang mga palad.

Hindi siya maaaring tumakbo ng basta-basta na lang dahil wala siyang madadaanang iba para makatakas. Kinakailangan niyang daanan at lampasan si Chino para makalabas siya sa kusinang iyon pero iyon ang hindi niya kayang gawin dahil natatakot siya na baka bigla siyang hablutin nito kaya napako na lamang siya sa kinauupuan habang nanginginig ang buong katawan at tahimik na umiiyak dahil sa sobrang takot.

Muntik na siyang mapasigaw ng marinig na umugong ang inuupuan ni Chino, isang sign iyon na tumayo ito. Narinig nito ang yabag ng mga paa na papalapit sa kanya. Lalong nanginig ang buong katawan ni Loren at parang sasabog ang puso niya sa lakas ng pintig nito.

Dahan-dahan niyang binuksan ang mga mata. Wala na sa buong paligid ang binata pero naririnig pa rin niya ang yabag ng mga paa nito na papalapit sa kanya. Naririnig niya ito sa bandang kanan.

Hindi na niya kayang manatili pa roon. Pagkakataon na niya para makaalis kaya tumayo siya at tumakbo sa kaliwang banda. Lumabas siya ng bahay at kumaripas ng takbo. Hindi na alintana sa kanya ang lakas ng ulan. Ang mahalaga ay makalayo lang siya sa multong iyon na si Chino.

Subalit labis niyang pinagsisihan ang kanyang ginawa. Dahil nang muling magpakawala ng isang malakas na kulog at kidlat ang kalangitan ay natamaan si Loren! Para itong nakuryente at nanginig-nginig ang buong katawan bago bumulagta sa daan.

Samantala, sa loob ng bahay ni Loren ay makikita ang kaluluwa ni Chino na nakatayo at nakadungaw sa bintana. Tila nakatingin ito sa malayo, sa kinaroroonan ng bangkay ni Loren na natamaan ng kidlat…

NANG gabi kasing iyon ay ginabi si Chino sa pag-uwi dahil nakipag-inuman siya sa mga barkada niya para makalimot kahit na saglit sa mabibigat na mga problemang dala-dala niya. Pasadong alas-dose na ng hatinggabi. Habang naglalakad ay pasuray-suray siya sa daan dahil sa kalasingan nang bigla siyang hinarangan ng apat na mga lalaking may dala-dalang mga pamalo at baril.

“Hanggang d’yan ka na lang!” At agad na inatake ng mga ito si Chino. Pinagsusuntok nila ito at pinagpapalo sa likod, sa ulo, at sa batok. Nakapaglaban pa naman ito at nakatakbo subalit di sadyang nabaril siya ng isang lalaki sa paa. Natumba si Chino at napahandusay sa daan. Nilapitan siya ng lalaking may hawak na baril at pinagbabaril pa siya sa likod.

Agad na lumapit ang iba pang mga kasamahan ng lalaking iyon na bumaril sa binata.

Sa nagdidilim na diwa ni Chino, bago siya tuluyang bawian ng buhay ay narinig pa niya ang usapan ng mga lalaking iyon.

“Ano ka ba naman, pare? Bakit mo siya binaril?” galit na sabi ng isa.

“Baka kasi makatakas! Sigurado tayo ang mananagot kapag nakatakas ito at nakapagsumbong sa mga pulis!”

“Pero hinabol mo na lang sana! Lalo tayong mananagot nito sa mga pulis kapag nakita ang bangkay na ito!”

“Dapat siguro itapon natin ito sa lugar na walang makakakita,” suhestyon naman ng isang lalaking may hawak na pamalo.

“Lagot tayo nito kay Loren. Ang bilin kasi niya sa atin ay bugbugin lamang si Chino. Pero bakit mo naman binaril! Buwisit! Mabuti pa at lumayo na tayo sa lugar na ito at huwag na lang siguro nating sabihin kay Loren na napatay natin itong ex niya. Tara na at buhatin natin ito para maitapon na!”

Iyon ang huling narinig ni Chino bago siya malagutan ng hininga. Sa huling mga sandali niya ay nalaman niyang si Loren ang may pakana nito sa kanya.

Binuhat ng apat na mga lalaki ang bangkay ng binata at itinapon sa isang liblib at abandonadong lugar na may matataas na mga damo pagkatapos ay umalis na ang apat sa lugar na iyon.

Pero kinabukasan ay natagpuan din ang nangangamoy na bangkay ni Chino sa may damuhan. Nang malaman ito ng mga magulang nito ay humagulgol sa iyak ang kanyang ina.

Hindi kasi matanggap ni Loren na si Chino pa mismo ang nagtampo at nakipag-breakup sa kanya kahit na ito mismo ang nagtaksil sa kanilang relasyon kung kaya’t dahil sa labis na galit at sama ng loob sa binata ay nagawang ipautos ng dalaga na ipabugbog ang binata sa mga kakilala niyang miyembro ng fraternity. Ganoon katindi ang galit ni Loren sa ginawang pagtaksil sa kanya ni Chino. Pero hindi niya inaasahang hahantong pala sa kamatayan ng binata ang lahat ng iyon dahil hindi sadyang nabaril ito ng isa sa mga lalaking inutusan at binayaran niya para ipabugbog lamang sana ito.

PAGKALIPAS ng isang linggo ay nailibing na si Loren sa huling hantungan nito. Hindi matanggap ng mga magulang nito ang pagkawala ng kanilang anak kung kaya’t napilitan ang mga ito na mag-leave ng kahit isang linggo sa trabaho nila sa ibang bansa at umuwi ng Pilipinas para maasikaso ang burol ng kaisa-isang anak.

Nagpasalamat na lang ang mga ito sa mga kaibigan ni Loren na nagpadala ng mensahe sa kanila sa Facebook para ipaalam ang masamang balita.

Nang dumating na ang araw ng undas ay muling umuwi sa Pilipinas ang mga magulang ni Loren para dalawin ang puntod ng kanilang anak. Subalit nagulat sila nang makitang wasak ang kinaroroonan ng puntod nito. Pati ang nitso nito ay nabiyak na tila tinamaan ng isang malakas na kidlat!

***WAKAS***